Қазақстанда су үнемдейтін технологияларды енгізу қарқыны бесеуге дейін өсті

Су ресурстары және ирригация министрлігі әзірлеген мемлекеттік қолдау шараларының арқасында су үнемдейтін технологиялар қолданылатын жер аумақтарының жылдық өсімі 150 мың гектарға дейін жетті. Бұл Мемлекет басшысының тапсырмасына сәйкес келеді. 2024 жылға дейін заманауи суару жүйелерін енгізу қарқыны елде орта есеппен 30 мың гектарды құраған.

Қазіргі уақытта республика бойынша су үнемдейтін технологияларды қолданудың жалпы аумағы 543,5 мың гектарды құрап отыр.

Заманауи суару жүйелерін енгізуді ынталандыру мақсатында ұңғымалар бұрғылау, инфрақұрылым тарту және жабдықтар сатып алу шығындарын өтеудің үлесі 50%-дан 80%-ға дейін арттырылды.

Сонымен қатар, суармалы су бағасына дифференциалды тариф енгізілді. Ол жақын арадағы үш жыл ішінде суармалы судың құнын субсидиялауды 50%-дан 85%-ға дейін арттыруды көздейді.

Бұдан басқа, 2026-2028 жылдарға алдыңғы үшжылдықпен салыстырғанда су үнемдейтін технологияларды енгізуді субсидиялауға бөлінген қаражат төрт есеге өсті.

«2030 жылға қарай су үнемдейтін суару жүйелерін пайдалану аумағын 1,3 миллион гектарға дейін көтеруді жоспарлап отырмыз. Бұл технологиялар суармалы суды 30%-ға дейін үнемдеуге мүмкіндік береді. Сонымен қатар, Су ресурстары мен ирригация министрлігі Су фондын пайдалану мен қорғау саласындағы ең жақсы техникалық шешімдердің іргетас Тізімін жасап шығарды. Ол сонымен бірге заманауи су алу жүйелерін де қамтитын болады», – деді Су ресурстары мен ирригация министрі Нұржан Нұржигитов.