18 жылға сотталған Кәрім Мәсімовтің қайда екені әлі күнге дейін жұмбақ

Әлеуметтік желілерде Ұлттық қауіпсіздік комитетінің бұрынғы төрағасы Кәрім Мәсімовтің АҚШ-та отбасымен бірге жүргені туралы қауесет қаулап кетті. Бұл даулы ақпаратқа қатысты Ішкі істер министрлігі жауап беріп, мекемелердегі сотталғандардың барлығы қатаң тәулік бойы бақылауда екенін мәлімдеді. Алайда, ведомство өкілдері экс-шенеуніктің нақты қай колонияда отырғанын құпия сақтап, дәлел болатын фото немесе видео көрсетуден бас тартты. Осылайша, 18 жылға сотталған саясаткердің қазір қайда жүргені әлі күнге дейін жұмбақ күйінде қалып отырғанын мәлімдейді Өткір сөз, ulysmedia сілтеме жасап.