Қуаныш трагедияға ұласты: Көкшетаудағы жас жұбайлардың тойы неге изоляторда аяқталды?

Көкшетауда неке қию рәсімін атап өткен жас жұбайлардың мас күйдегі жанжалы полиция бөлімінде аяқталды. Қоғамдық орында әйеліне қол көтерген күйеу жігіттің әрекетін кәмелетке толмаған балалар көріп, дереу «102» арнасына хабарласқан. Тәртіп сақшыларына бағынбай, балағат сөздер айтқан ер адам уақытша ұстау изоляторында қолжуғышты да сындырған. Полиция мәліметінше, оқиға кезінде жұбайлардың екеуі де орташа дәрежеде мас болған. Аталған дерек бойынша ер адамға әкімшілік хаттамалар толтырылып, билік өкілін қорлау фактісі бойынша қылмыстық іс қозғалды. Қазіргі уақытта күдікті уақытша ұстау изоляторында қамауда отырғанын хабарлайды Өткір Сөз.