Әлемдік алтын нарығын дүрліктірген Қазақстан қанша тонна бағалы металл сатып алды?

Бүкіләлемдік алтын кеңесінің дерегінше, еліміз 2026 жылдың екінші тоқсанында бұл бағалы металды ең көп сатып алған мемлекеттердің бестігіне енді. Аталмыш кезеңде Ұлттық банк қоймалары тағы 15 тоннамен толықты. Осы уақыт аралығында әлемдік орталық банктер жалпы саны 289 тонна алтын сатып алған, бұл өткен жылғы көрсеткіштен әлдеқайда жоғары. Сарапшылар мұның басты себебін жаһандық геосаяси ахуал мен мемлекеттердің өз резервтерін сенімді түрде әртараптандыруға ұмтылуымен түсіндіріп отыр.