Жасырын дертке қарсы қадам: Қазақстанда өкпе рағын ерте анықтау апталығы басталды

Қазақстанда өкпе рағының алдын алу мен ерте анықтауға арналған апталық басталды және ол 15 тамызда барлық онкологиялық орталықтарда өтетін бірыңғай қабылдау күнімен аяқталады. Бұл шараның басты мақсаты – қауіпті дерттің алдын алу, өйткені жыл сайын елімізде төрт мыңға жуық адам өкпе рағымен ауырып, кеш анықталу салдарынан екі мыңға жуық науқас қайтыс болады. Осыған байланысты 50 жастан асқан азаматтар, темекі шегетін немесе бұрын шеккендер және зиянды өндірісте жұмыс істейтіндер ауруды ерте сатыда анықтау үшін тегін төмен дозалы компьютерлік томографиядан өте алады.