Әскери колледж төріндегі жұмбақ оқ: Төрт жылдан бері әділдік таппай жүрген ананың зары

Әлеуметтік желіде әскери қызмет кезінде ауыр оқ жарақатын алып, мүгедек болып қалған ұлы үшін әділдік іздеген ананың видеоүндеуі тарады.

Оқиға осыдан төрт жыл бұрын әскери колледж қабырғасында орын алған. Отанды қорғауды мақсат еткен жас жігіт қызмет кезінде басынан оқ тиіп, ауыр жағдайда қалды. Салдарынан ол мүгедек болып қалып, төсекке таңылып жатыр. Ресми органдар бұл жайтқа қатысты тексеріс жүргізгенімен, анасы бұл шешімдермен келіспейді. Тергеу ісі осы уақытқа дейін созылып, бірнеше рет тоқтатылып, кейіннен қайтадан қарастырылғанымен, отбасы әлі күнге дейін шындықтың ашылмағанын айтады. Осыған байланысты анасы жұртшылықтан бұл оқиғаны барынша таратып, әділдік орнатуға қолдау көрсетуді сұрауда.