Салықшылардың жаңа әдісі: Кәсіпкерлерді не үркітіп, жасырын нарыққа итермелеп жатыр?

Салық органдары бейресми жұмыспен қамтуды анықтау мақсатында әр түрлі мемлекеттік базалардағы мәліметтерді талдай бастады. Күдікті жағдайлар анықталса, кәсіпкерлерге арнайы хабарламалар жолданады.

Мысалы, бір кәсіпкердің әр өңірде бірнеше кассалық аппараты тіркеліп, бірақ ресми жұмысшылары өте аз болса, бұл салықшылардың басты назарына ілігеді.

Сарапшылардың пікірінше, күшейтілген бақылау мен салық жүктемесінің артуы кәсіпкерлер арасында үрей тудырып отыр. Салықтан қашқан бизнес өкілдері цифрлық төлемдерден бас тартып, жаппай қолма-қол ақшаға және көлеңкелі нарыққа өтіп жатыр. Мұндай жағдайлар елдегі жасырын экономика үлесінің екі есеге жуық өсуіне түрткі болды.