Астана көшесінде атпен жүрген тұрғын қатаң жазаға ілікті

Астанада ат мініп, көше аралаған тұрғын полиция назарына ілікті. Ол көлік жолы мен тротуарда жүріп, жаяу жүргіншілерге кедергі келтірген. Сонымен қатар «Бәйтерек» монументі маңында тротуарды ластап, жасыл желектерді зақымдаған. Аталған әрекеттер абаттандыру ережелерін өрескел бұзу болып табылады. Тәртіп сақшылары құқық бұзушыға қатысты бірден екі бап бойынша әкімшілік хаттама толтырылғанын Өткір сөз хабарлайды.