Экрандағы жасырын қауіп: Алаяқтардың қулығын қалай әшкерелейміз?

Қазақстанда азаматтарды киберқылмыстан қорғау үшін ресми қоңырауларды арнайы белгімен ерекшелеу жүйесі іске қосылады. Бұл туралы орталық коммуникациялар қызметінде өткен брифингте айтылды.

Жаңа тәртіп бойынша смартфон экранында банктер мен мемлекеттік мекемелерден түсетін шынайы қоңыраулар бірден көрініп тұрады. Бұл шара тұрғындарға алаяқтарды оңай ажыратуға мүмкіндік береді.

Сонымен қатар телекоммуникация саласындағы жаңа нормалар қабылданды. Енді қосымша ақылы қызметтер мен интернертті қосу үшін абоненттің екі мәрте келісімі талап етіледі. Сондай-ақ азаматтар қажетсіз жарнамалық хабарламалар мен автодозвон қызметінен бас тарту құқығына ие болды.

Тиісті заң нормалары 2026 жылдың тамыз айының соңында күшіне енеді.