35 блогерді заңсыз казиноға кім тәуелді етті? Қаржы мониторингі агенттігі басты күдіктіге іздеу жариялады

Қаржылық мониторинг агенттігі заңсыз онлайн-казиноларды жарнамалауды ұйымдастырды деген күдікпен Өзбекстан азаматы Махмуд Хикматовқа халықаралық іздеу жариялады. Тергеу мәліметінше, күдікті әлеуметтік желі арқылы 35-тен астам отандық блогерді жарнамаға тартқан. Олардың қатарында тыйым салынған құмар ойындарға рефералдық сілтемелер арқылы халықты тартқан танымал блогер Қайсар Қамза да бар. Бүгінгі таңда сот күдіктіні қамауда ұстауға санкция бергенін хабарлайды Өткір сөз.