Алматыда диплом жыртып хайп қуған түлек жауапқа тартылды

Әлеуметтік желіде диплом жыртып жатқан бейнежазбасымен резонанс тудырған алматылық колледж түлегі полицияның назарына ілікті. Полиция қызметкерлері TikTok платформасына жасалған мониторинг кезінде видеоның жалған екенін анықтады. Тексеру барысында түлектің өз дипломы мен ресми мұқабасының бүтін екені, ал роликте мұқабаның көшірмесі ғана пайдаланылғаны белгілі болды. Қоғамда жалған ақпарат таратып, дүрбелең тудырғаны үшін автор ҚР Әкімшілік құқық бұзушылық туралы кодексінің 456-2-бабы бойынша жауапкершілікке тартылды. Тәртіп сақшылары азаматтарды әлеуметтік желіде контент жасау кезінде жауапкершілік танытуға шақырады.