«Біз екінші сортпыз ба?» Баян Алагөзова мен желі қолданушылары арасындағы дау ушыға түсті

Алматыдағы Орталық стадионда шетелдік рэпер Канье Уэсттің концертінде отшашуға рұқсат беріліп, отандық «KeshYOU» тобына қатаң тыйым салынғаны қоғамда үлкен резонанс тудырды. Осы әділетсіздікті ашық сынға алған продюсер Баян Алагөзова желідегілердің сынына реніш білдіріп, бұл салыстырудың танымалдыққа емес, отандық және шетелдік әртістерге көрсетілетін теңсіздікке қатысты екенін атап өтті. Жұрт пікірінен шаршағанын жасырмаған продюсер енді Астана қаласында өтетін концерттерін әдейі отшашусыз өткізетінін мәлімдеп, сыншыларға өткір жауап қайтарды.