Жолды бояп жатыр ма? Ақмола облысындағы шулы видеоға қатысты шындық белгілі болды

Ақмола облысының Қызылжар ауылында жолды әкімнің келуіне орай бояды деген ақпарат шындыққа жанаспайды. Әкімдік өкілдері мұның бәрі жөндеу жұмыстары екенін мәлімдеді. Шілде айында төселген 150 метрлік асфальт сапа тексерісінен өтпей, тығыздығы талапқа сай болмай шыққан. Осыған байланысты «Бетон Север» мердігер ұйымы жол төсемін бекіту мақсатында арнайы «силуоки» жүйесін қолданып жатыр. Мердігерге әлі қаржы төленбеген, ақша тек қайта тексеруден оң нәтиже алғаннан кейін ғана берілгенін хабарлайды Өткір сөз.