«Аттестаттарыңды бермейміз!»: Көкшетаудағы университет абитуриенттерді тұзаққа түсірді ме?

Көкшетаудағы Мырзахметов университетіне түсе алмаған бір топ абитуриент өз құжаттарын қайтарып ала алмай жүр. Басқа қалалардан жүздеген шақырым жол жүріп келген талапкерлер таңертеңнен бері мекеме табалдырығын тоздыруға мәжбүр. Университет қызметкерлері құжаттардың берілмеуін «ректордың орнында жоқтығымен» түсіндіріп отыр. Алайда мұның нақты қандай заңды негізге сүйенетіні әзірге белгісіз. Уақыттың тығыздығына алаңдаған жастар басқа оқу орындарына үлгермей қаламыз ба деп қауіптенуде. Сондай-ақ олар мұндай кедергілердің абитуриенттерді ақылы бөлімде ұстап қалу үшін әдейі жасалып жатқанын жоққа шығармайтынын хабарлайды Өткір сөз.