Кездейсоқ табылған көне жерлеу орны: Павлодардағы сенсациялық жаңалық

Павлодар маңындағы құм карьерінен ерте қола дәуіріне тиесілі көне жерлеу орны табылды. Оқиға балық аулап жүрген ер адамның адам сүйектеріне тап болуынан басталды.

Мамандардың пайымдауынша, бұл жәдігерлер металлургиялық өндірістің алғашқы қадамдары жасалған дәуірмен тұспа-тұс келеді. Оқиға орнынан адам сүйектерімен қатар, ежелгі керамика сынықтары, тас балта және еңбек құралдары аршып алынды. Қазіргі таңда археологтар зерттеу жұмыстарын жүргізіп, топырақ үлгілерін сараптамаға жіберді. Бұл олжа өңірдің көне тарихын жаңа деректермен толықтыруға мүмкіндік береді.