Жалған мәміле мен миллиондар: Белгілі блогер сырттай сотталды

Танымал блогерге қатысты шулы үкім шықты. Мәскеу соты оны сырттай 4 жылға бас бостандығынан айырды.

Мәскеудің Пресненский аудандық соты Гусейн Гасановты 170 миллион рубльден астам салық төлемеді және қылмыстық жолмен тапқан қаржысын заңдастырды деп таныды. Тергеу мәліметінше, ол бұл қаражатты «Москва-Ситидегі» апартаменттерді сату туралы жалған мәміле арқылы заңды айналымға енгізген.

Нәтижесінде блогерге 1 миллион рубль айыппұл салынып, құны 46 миллион рубль болатын мүлкі мемлекет кірісіне тәркіленетін болды. Қазіргі уақытта шетелде жүрген ол халықаралық іздеуге жарияланды. Тергеушілер сұраған 6 жылдың орнына сот оған сырттай 4 жылдық жаза кесті. Бұл туралы Өткір Сөз хабарлайды.