Рұқсаты жоқ шопыр мен өзгертілген есік: Полицейлерді не таңғалдырды?

Абай облысында «Перевозчик» жедел-профилактикалық іс-шарасы кезінде Алматы – Өскемен тасжолының 769-шы километрінде Yutong маркалы рейстік автобус тоқтатылды.

Тексеру нәтижесінде көлік құралының қауіпсіздік талаптарын бұзып, тиісті келісімсіз қолдан қайта жабдықталғаны белгілі болды, атап айтқанда оның ортаңғы есігі зауыт стандартына сай келмейтіні анықталды. Сондай-ақ 42 жастағы жүргізушінің көлік жүргізу куәлігінің қолданысы ресми түрде тоқтатылғанына қарамастан рөлге отырғаны белгілі болды. Қазіргі уақытта автобус арнайы айыппұл тұрағына қойылып, барлық фактілер бойынша тиісті процессуалдық шаралар атқарылып жатыр.