«Павлодар біздікі»: Қазақстанды келемеждеген ресейлік стримердің әрекеті елді дүрліктірді

Ресейлік Twitch-стример Ксения Гузаева тікелей эфир барысында қазақ халқы мен еліміздің аумақтық тұтастығына тіл тигізіп, Павлодар қаласын «біздікі» деп арандатушылық жасады. Ол Қазақстанда бірде-бір рет қазақ тілін естімегенін мәлімдеп, елімізді «Лагостан» және «Штрафостан» деп келемеждеген. Бұл өрескел әрекет әлеуметтік желіде үлкен дауға ұласып, халықтың ашу-ызасын тудырды. Ашуланған қоғам белсенділері мен желі қолданушылары бұл қылықты ашық шовинизм деп бағалап отыр. Жұртшылық стримердің тек кешірім сұрауымен шектелмей, заң аясында қатаң жауапқа тартылуын талап етуде.