Астанада стоматологияны тонаған күдікті камераға түсіп қалды

Астанада стоматологиялық клиникадан шамамен 2 млн теңгенің мүлкін ұрлаған 34 жастағы ер адам ұсталды. Полиция мәліметінше, күдікті нысан жабылғаннан кейін ішке заңсыз кіріп, ноутбуктер, түрлі гаджеттер мен сейфті алып кеткен. Қылмыс кезінде бетін қара шұлықпен жасырған. Алайда бұл оның жеке басын анықтауға кедергі болмады. Ер адам маска таққанға дейін көшедегі бейнебақылау камераларына түсіп қалған. Жиналған бейнематериалдар арқылы полиция күдіктінің кім екенін анықтады. Қазір ұрлық фактісі бойынша қылмыстық іс қозғалып, тергеу жүргізіліп жатыр.