«Аяқ» астынан шыққан арақ дауы: Жошы хан кесенесіне қойылған жұмбақ заттар елді неге шулатты?

Ұлытау төріндегі тарихи Жошы хан кесенесіне Моңғолиядан арнайы келген туристердің жасаған рәсімі әлеуметтік желіде қызу пікірталас тудырды. Видеодан шетелдік қонақтардың киелі орынға арша жағып, дәстүрлі жоралғы ретінде сүт, дәм мен ішімдік қалдырғанын көруге болады. Бұл қадамды көпшілік түсініспеушілікпен қабылдағанымен, тур ұйымдастырушысы мұның арғы жағында моңғол халқының ата-баба рухына деген терең құрметі жатқанын түсіндірді. Ол өзге елдің мәдениеті мен дүниетанымына толеранттылық таныту маңызды екенін алға тартты. Сондай-ақ туристер сапарын аяқтап кеткен соң, кесене іші дереу тазартылып, қазақы тәртіпке сай қайта қалпына келтірілгені айтылды.