Трамп Иранға соққы жасаудан бас тартты

The New York Times басылымының мәліметінше, АҚШ Президенті Дональд Трамп Иранға қарсы ауқымды әскери соққылар жасау жоспарынан уақытша бас тартты. Бұған Таяу Шығыстағы Patriot зениттік-зымыран кешендері мен басқа да әуе қорғаныс құралдары ракета-перехватчиктерінің жетіспеушілігі басты себеп болған.

Сонымен қатар Вашингтон бұл қадамның аймақтық қақтығысты ушықтырып, жаһандық энергетикалық дағдарыс пен экономикалық күйзеліске әкеп соғуынан қауіптенеді. Ақ үй шенеуніктерінің пікірінше, күшейтілген соққылар Тегеранды келіссөзге мәжбүрлемейді, керісінше, Иран басшылығына қоғамды біріктіруге ғана көмектеседі.