Бибісара Асаубаева АҚШ-тағы сапарында төтенше жағдайға тап болды

Қазақстандық шахматшы Бибісара Асаубаева АҚШ-тағы жарысқа бара жатқан жолда құжаттары мен ақшасы бар әмиянын жоғалтып алғанын хабарлады. Ол бұл заттарын Майамиден Сент-Луиске ұшу кезінде қонақүйде ұмытып кеткенін ойлаған. Спортшыны ақшадан гөрі ішіндегі жақын адамы жазған қолжазба хат көбірек алаңдатқан. Алайда, көп ұзамай ол жоғалған әмиянын өз шабадандарының бірінен тауып алды. Шахматшы шаршағандықтан оны бірден байқамағанын айтып, жағдайдың жақсы аяқталғанын жеткізді.