«Менің міндетім – сабақ беру»: Атыраудағы ұстаз сыныпты жөндеуге мәжбүрлегенін айтып шағымданды
Атыраудағы мемлекеттік мектептердің бірінің мұғалімі басшылық оны сыныпты жөндеуге мәжбүрлегенін мәлімдеді. Педагог бөлменің нашар күйі үшін оқушылар мен ата-аналардың алдында ұялғанын жеткізді. Ол апта бойы еден жуып, қабырға әктегенін, тіпті еңбек демалысы кезінде де плафон сүрту талап етілгенін айтты. Мұндай қауіпті әрі кәсіби міндетіне кірмейтін жұмыстан бас тартқан ұстазға әкімшілік тарапынан қысым көрсетілген. Қызыл диплом иегері өз ісіне адал екенін, бірақ мектепті жөндеу мен тазалық жұмыстарымен айналыспауы тиіс екенін баса айтты. Бұл жарияланымнан кейін Атырау облысының білім басқармасы шұғыл түрде қызметтік тексеріс басталғанын мәлімдеді. Ведомство заңсыздық анықталған жағдайда жауапты тұлғаларға қатаң шара қолданылатынын жеткізді.