Екі автобустың соқтығысуынан 21 адам қаза тапты

Нигердің батысында екі жолаушылар автобусы соқтығысып, 21 адам қаза тапты және 37 адам жарақат алды. Қайғылы оқиға Маради– Мадауа тасжолында орын алды, алдын ала мәлімет бойынша, автобустардың бірінде әскери қызметкерлер болған. Қазіргі уақытта апаттың себептері әлі анықталмаған, оқиғаға байланысты ресми тергеу жұмыстары басталды. Бұл жол-көлік оқиғасы билік жол қауіпсіздігін арттыру науқанын жүргізіп жатқан уақытта тіркеліп отыр. Еске салайық, бұл елдегі жол апаттарының негізгі себептеріне жылдамдықты асыру және көлік пен жолдардың нашар жағдайы жатады.