Әуе қорғанысы мен қару-жарақ: НАТО мен Украина жаңа қадамдарды талқылады

НАТО Бас хатшысы Марк Рютте батыстық одақтастармен бірлесіп, Украинаға әскери көмек көрсету, әсіресе әуе қорғанысы құралдарымен қамтамасыз ету мәселесін талқылап жатқанын хабарлады. Бұл туралы ол Украина Президенті Владимир Зеленскиймен телефон арқылы сөйлескеннен кейін мәлім етті.

Өз кезегінде Зеленский Рюттемен қосымша қару-жарақ сатып алу мүмкіндігін талқылағанын атап өтті. Украина басшысы Марк Рютте қалыптасқан қатерлерден толық хабардар екенін және қажетті зымырандары мен әлеуеті бар мемлекеттермен күш-жігерді үйлестіргендерін жеткізді.

Айта кетейік, АҚШ-тың НАТО жанындағы тұрақты өкілі Мэттью Уитакер 3 тамызда Киевке Patriot зымыран-ұстағыштарын шығару лицензиясын беру бойынша келісім 2026 жылдың қысына дейін жасалмайтынын, алайда Украина және еуропалық елдермен бірлескен өндіріс ұйымдастыру ықтималдығы қарастырылып жатқанын мәлімдеген.