Кредит алу қиындай түсті: Қазақстанда қарыз алушыларға қойылатын талаптар неге күрт өзгерді?
Қазақстанда 10 тамыздан бастап кредит берудің жаңа қағидалары күшіне енді. Енді банктер пенсия, жалақы сияқты ресми түсімдерді есептеп, клиенттің соңғы алты айдағы орташа табысын қатаң тексереді. Сонымен қатар кірісті қолдан көтеруге, атап айтқанда, шоттар арасында ақша айналдыруға немесе деректерді дубликаттауға қатаң тыйым салынды. Қарыз жүктемесі коэффициенті (КДН) есептеліп, ай сайынғы төлемдер табыс көлемінен асып кетсе, жаңа несие берілмейді. Бұдан бөлек, банктер қарыз алушылардың жалпы қарызы мен кірісінің арақатынасын бағалау үшін жаңа коэффициентті қолдана бастады. Лудомандар, жастар және әлеуметтік көмек алушылардың табысы бұдан былай ерекше бақылауға алынады. Бұл өзгерістер халықтың шамадан тыс қарызға батуының алдын алуға бағытталғанын хабарлайды Өткір сөз.