Ат спортындағы трагедия: Тәжірибелі қыздың өліміне не себеп болды?

Ақмола облысындағы «Атлант» ат-спорт клубында серуендеп жүріп ауыр жарақат алған 33 жастағы астаналық бойжеткен ұзақ уақыт комада жатып, есін жинамастан көз жұмды. Шілде айының басында орын алған қайғылы оқиға кезінде Жазира атқа мінуді жақсы білгенімен, үріккен жануарды басқара алмай, екпінмен жерге құлаған. Елордалық ауруханаға шұғыл жеткізілген науқастың жағдайы өте ауыр болып, дәрігерлердің көмегіне қарамастан 13 тамыз күні қайтыс болды. Аталған дерек бойынша Ақмола облыстық Полиция департаменті қауіпсіздік талаптарына сай келмейтін қызмет көрсету бабымен қылмыстық іс қозғады.