Қазақстанда 70 жыл күткен оқиға орын алды

Қазақстанда жетпіс жылдан астам уақыт өткен соң алғаш рет табиғатқа тигр жіберілді. Бұл тарихи оқиға отыз бірінші шілдеде «Іле-Балқаш» мемлекеттік табиғи резерватында орын алды. Еркіндікке Үміт атты амур тигрының ұрғашысы жіберілді. Бұл Қазақстанда тигрлерді өзінің тарихи мекендеу ортасына қайтару және популяциясын қалпына келтіру бағдарламасының алғашқы практикалық қадамы болып табылады. Рәсімге Қазақстанның экология министрі Ерлан Нысанбаев, Ресейдің әділет министрі әрі «Амур тигр» орталығы байқау кеңесінің төрағасы Константин Чуйченко, сонымен қатар жобаны жүзеге асыруға қатысып жатқан ғалымдар, экологтар және халықаралық сарапшылар қатысты.