Талапкерлерге қуанышты жаңалық: Қазақстан ЖОО-лары екі мыңнан астам қосымша грант бөлді

Қазақстандық жоғары оқу орындары талапкерлерді қолдау мақсатында екі мыңнан астам қосымша ректорлық және ішкі білім беру грантын бөлді. Гранттар мен жеңілдіктерді беру тәртібін әр университет өзі анықтайды. Бұл ретте ҰБТ нәтижелері, «Алтын белгі», түрлі олимпиадалардың жеңісі және талапкердің әлеуметтік жағдайы ескеріледі. Сондай-ақ кейбір университеттер әлеуметтік осал топ өкілдері мен дарынды жастарға арнайы квоталар ұсынып отыр. Кейбір оқу орындары гранттармен қатар оқу ақысына 15-тен 100%-ға дейінгі жеңілдіктер қарастырған. Толық ақпаратты абитуриенттер таңдаған университетінің қабылдау комиссиясынан біле алады.