Жаһанды жаулаған Димаш енді қай елді бағындырмақ?

Қазақстанның Халық әртісі жанкүйерлерін тағы да таңғалдыруға дайын екенін мәлімдеді. Жаңа әлемдік турнесін жалғастырған отандық жұлдыз алдағы желтоқсан айында Перудің Лима қаласында грандиозды жеке концертін бермек. Өнер иесі бұл қуанышты хабарды әлеуметтік желідегі парақшасы арқылы бөлісіп, көпшілікті «DIMENSIONS» атты ерекше музыкалық кешке шақырды. Аталмыш шоу көрермендерге ұмытылмас эмоция сыйлап қана қоймай, дыбыс пен жарықтың мүлде жаңа өлшемін сезінуге мүмкіндік береді.