Грециядағы сот: 24 жастағы қазақстандық 125 жылға бас бостандығынан айырылды

Ақтөбелік Нұрхан Қадырованың айтуынша Түркияға жұмыс іздеп кеткен 24 жастағы ұлы Грецияда 125 жылға сотталып шамамен бір миллиард теңге көлемінде айыппұл арқалады. Жігіт Instagram арқылы Түркиядағы моторлы қайықтарда туристерді серуендету жұмысына орналасып кейін беймәлім жағдайда Грецияға мигранттарды тасымалдау ісіне тартылған. Анасы ұлының тек бұйрық орындағанын ұйымдастырушы еместігін айтады. Сот барысында оған аудармашы берілмегендіктен ол мазмұнын түсінбеген құжаттарға қол қойып жіберген. Қазіргі таңда анасы Қазақстанның Сыртқы істер министрлігінен ұлының құқығын қорғауға көмектесуді сұрауда.