Астананы неге су басты: Қаланы әбігерге салған нөсердің басты себептері белгілі болды
Елордада 22-23 шілде күндері екі күн ішінде бір айлық норманың 70 пайызына жуық жауын-шашын түсіп, қала көшелерін су астында қалдырған болатын. Бұл төтенше жағдайдың туындау себептері мен оның салдарын жою барысы белгілі болды. Бар болғаны 22 минут ішінде қалаға қаптап құйған залптық нөсер кәріз жүйелерінің бір мезетте келетін үлкен көлемдегі суды өткізіп үлгере алмауына әкеп соқтырған.
Табиғаттың бұл тосын мінезінен көшелерді су басып, көлік қозғалысы қиындады. Салдарынан төтенше жағдайлар қызметкерлері мен құтқарушылар шұғыл жұмылып, су ішінде қалған автокөліктерді эвакуациялап, тұрғындарды қауіпсіз аймаққа шығарды. Қазіргі уақытта қалалық коммуналдық қызметтер күшейтілген режимде жұмыс істеп, коллекторларды тазарту, түтіктерді булау және ливневая канализация жүйелерін жетілдіру жұмыстарын қарқынды жүргізіп жатыр.