Үш жыл бойы жасырылған құпия: Сейфуллин Жолбарыс отбасылық өмірі туралы шындықты ашты

Танымал композитор әрі әнші Сейфуллин Жолбарыс көпшіліктің көкейінде жүрген сауалға нүкте қойды. Өнер иесі жеке өміріндегі күтпеген жаңалықты алғаш рет көпшілікке жария етіп, жұбайымен үш жыл бұрын заңды түрде ажырасқанын мәлімдеді.

Бұл ақпарат жұртшылық үшін тосын жағдай болғанымен, әншінің айтуынша, олар ортақ балаларының болашағы үшін жылы қарым-қатынасты сақтап қалған. Өнер иесі өзара түсіністік пен сыйластық бәрінен маңызды екенін атап өтті.

Сейфуллин Жолбарыс Oilau YouTube-арнасына берген сұхбатында екі қызының бақыты үшін олардың өмір бойы бірге жүретінін және отбасылық құндылықтарға деген көзқарасы өзгермегенін жеткізді. Ол ажырасқанына қарамастан, достар ретінде қалып, той-томалақтарда бірге жүре беретіндерін айтып ағынан жарылды.