Торт кесуге қатысты үлкен дау: Динара Сәтжан ұлының тойындағы жоспарын шұғыл өзгертті

Танымал тележурналист әрі блогер Динара Сәтжан күзде өтетін ұлының тойына дайындық барысында көпшіліктің сынына ұшыраған әдеттен бас тартты. Жуырда ғана құда түскен продюсер желідегі қызу пікірталастан кейін тортқа қатысты ниетін өзгерткенін мәлімдеді.

«Бастапқыда жас жұбайлардың тортының алғашқы бөлігін өзім жеймін деп ойлағам. Бірақ әлеуметтік желіде мұның «ред флаг» екенін оқып, бұл ойымнан бас тарттым. Торттың алғашқы тілімін жастардың өзі жесін. Ең бастысы – олардың бақыты», – деді Динара Сәтжан.