Астанада шок: науқастың алтын әшекейін ұрлаған бұрынғы медқызметкер ұсталды

Астанада полиция 22 жастағы ер адамды медициналық мекемедегі науқастың алтын әшекейлерін ұрлады деп күдіктеніп ұстады. Әйел ауруханаға алтын сырға және алқасымен түскен, кейін туыстары әшекейлердің жоғалғанын байқап, полицияға жүгінген. Іздеу шаралары нәтижесінде күдікті бұрынғы қызметкер екені анықталды. Ол ұрланған сырға мен алқаны ломбардқа өткізген, әшекейлер заттай дәлел ретінде алынды. Қазір ұрлық бойынша сотқа дейінгі тергеу жүргізілуде.