«Қызымды тез ұмытты»: Қайтыс болған фельдшер Ұлдананың анасы күйеу баласына неге өкпелі?

Қызметтік міндетін атқарып жүріп көз жұмған жас фельдшер Ұлдана Мырзуанның анасы Сәлима қайғылы оқиғадан кейінгі түсініспеушіліктер мен ақшаға қатысты дауды ашық айтты. Оның сөзінше, күйеу баласы Әділет қызының қазасынан кейін сегіз ай өтпей жатып басқа отбасы құрған, ал бұл жаналықты ана әлеуметтік желіден біліп қатты ренжіген. Сондай-ақ марқұмның артында қалған 20 миллион теңгеге жуық зейнетақы жинағын күйеу баласының нотариус арқылы тым асығыс рәсімдеуі ананың көңіліне күдік ұялатқан. Марқұмның анасы заң мен құжаттан бұрын адами қарым-қатынас пен сыйластық бәрінен биік тұруы тиіс екенін жеткізді. Бұл жағдай желі қолданушыларының арасында қызу талқыланып, қоғамда түрлі пікір тудырды.